رواية الرصد ليلة فى جهنم PDF
من تأليف : حسن الجندي
حكاية متشابكة بين أزمنة مختلفة، عن الحضارة المصرية القديمة واسرارها..الطاقات المختلفة الدفينة بالمقابر الأثرية سواء طبيعية، كيميائية، ميكانيكية وحتي روحانية كالجان..مخطوطات من الحضارة الإسلامية بمصر..ونظريات فيزيائية عن الزمكان..حرب مخابرات استعلامية بين مصر والاتحاد السوفييتي بالستيناتوجهات نظر في الرواية :
مزج بين العامية المصرية -غير المبتذلة- مع اللغة العربية في وصف الأماكن والاحداث والمشاهد بشكل واقعي وفيه حتة "حميمية" ، أفتكر ان كثرة الوصف دي مقصودة احيانا لتفهم شئ من طباع الشخصيات، سجائر جابر وعزومة ألكسندر الروسي بالسجائر مثلا بطريقة مصرية والروسية والعاملين باحد اقوي اجهزة المخابرات في العالم وصف الستينات ، وحتي قعدة جمال عبد الناصر مستند راسه علي يده وهي مقبوضة..تفاصيل كثيرة من وجهة نظري زودت معايشة الحكاية الأحداث بتدور في الفصلين الخامس والسادس هنا بين ثلاث فترات زمنية سنة 1963 وبعدها بسنتين مع جابر وسر مشروع الاتحاد السوفييتي في مصر المهتم بالمصريات سنة 2005 ، وعودة اليكسندر الروسي لمصر، و تعلم جعفر لعوالم الجن والرصد من شيخ عمر الغامض سنة 2007، بعد تاني يوم من دخول فريق الاعداد لمنزل ابو خطوة والاحداث الغريبة بذروة الجزء الاول الاحداث كلها بتتحكي من وجهة نظر طرف ثالث...إلا في جزء حسام -من فريق اعداد برنامج الغرائبيات- بيكون حسام هو نفسه الراوي لسبب مش عارفينه وعاما الرواية فعلا مش بتاعة قراءة سريعة...اختلاف الفترات الزمنية وتعدد الشخصيات وتشابكها حتستمتع بيه بجد لو قرات بمهل وكمان الأفكار اللي بالرواية اللي بعضها حقيقي ، عن بيت المعادي المسكون مثلا اللي حصل فيه مذبحة بين الجنود وهو حقيقي بالمناسبة وذكره المؤلف من اكثر من سنة.
مفيش رعب، عشان متقلش اني خدعتك وقلت لك انهاقصة رعب....لكن فعلا فتح المقابر فيه بعض المشاهد المقبضة المرعبة ووصف حسن الجندي للكائنات كان مرهب فعلا لكن القصة مثيرة وغامضة بالذات لما تربط علوم فيزيائية مع الصوفية مع فكرة "الخطوة" العابرة للاماكن والازمنة...
في كمان جزء من الكوميديا الرومانسية -اه والله- بين راضي-احد فريق الاعداد- ونهلة سكيرتيرة جعفر وفي جزء رومانسي جميل جدا بين جابر وزوجته ، ويمكن بنهاية الجزء الثاني ستشعر ان الحب له دور مهم في القصة لانها، كما قلت، ليست مجرد قصة بيوت مسكونة كما ..... متيجي نشوف.
